هــــو المــــاصــــفه مــن اولــــ عـــــود ؟؟؟

هو الكال احبك كلتله حبيب وغالي

وكتله بالعمر افديك بس كون ادوم للتالي
وكتله تاج فوك الراس حطني واشمخ بجالي
امشي ولايهمك زود اخلي الزود بيك يلوذ يالغالي
اني الناس كل الناس تره عنهم منشغل بالي
بس وياك يحبيب كلبي مدمن بحبك ولا سالي
ولون حنظل اتصير ولبك يتسلس تظل بس انته تحلالي
وعلى مايه مشيت وياه مثل ميريد اباريله واكولن بلجن هو يبرالي
ومثل ام اليتامى انه عزيته وابد ما يوم غشيته ولا زله البدت وياه بافعالي
وكمت ياناس اخاف عليه من روحي ومن دكات دلالي
واني الماخفت فد يوم شجاها ارويحتي ترجف اذا طيفه مشى كبالي
عليكم ما اطولها ثبت بالراس حبه ومنها زود اخبالي
مضت ايام واجت ايام ارد اشوف اشصفت والتالي
لن غصن السكيته ادموع طلع بس منظر وخالي
وشفته بكل وكاحة عين ايده بايد عذالي
نساني واخ مدري اشلون غنوله اليتيمه وعافني لحالي
جا انه اشكثر غنيت هلبت هزه موالي
سواها المايخاف الله بعيد الله الجبير ويتم اهلالي
ولك انه ذخرتك سيف للعازه عليش اتصير جتالي
ورديت بخاطري المكسور ولسان الحال يرثي ويندب بحالي
هو الماصفه من اول عود بتالي يصفالي

كلمات روعه عاشت الايادي